Aaj main bata raha hun gori twacha pane ke kuchh gharelu upay ke bare me
Jinka bhi rang thora kam hota wo gora dikhne ke liye tarah tarah ka beauty products ka istemal karte hain jis se kuchh logon ko safalta milti hai aur kuchh ko nahin
Chemical mile huve beauty products se nuksan hone ka bhi dar rahta hai, jabki natural gharelu prayog se koi nuksan nahin hota
Islliye yahan aaj kuchh natural gharelu prayog bata raha hun jinka istemal kar aap gori twacha pa sakte hain
⦁ 2 chammach jau ke ate me kachcha doodh milakar paste bana len aur pure chehre par laga den, sukh jane par pani se dho den. Kuchh dinon tak iske prayog se nikhar ata hai aur sanwlapan door hota hai
⦁ Shahad 2 chammach lekar isme ek chammach nimbu ka ras achhi tarah mila len aur chehre par laga len. Adhe ghante ke baad halke garm pani se dho len. Kuchh dino ke prayog se rang nikharta hai aur sanwli twacha gori hoti hai
⦁ 1 chammach besan, 1 chammach haldi powder aur isme dahi, nimbu ka ras aur gulab jal 1-1 chammach milakar paste bana len aur chehre par lagayen. Roz ek baar lagane se ek hafte me hi twacha gori ho jati hai. Adhik matra me bana kar pure sharir par bhi laga kar pura sharir ko gora bana sakte hain
⦁ 2 chammach multani mitti ka powder, 1 chammach dahi, 1 chammach shahad aur 1 chammach nimbu ka ras lekar sabhi ko achhi tarah milakar chehre par lagakar adha ghanta tak rahne den aur baad me halke garm pani se dho len. Aisa karne se kuchh hi dinon me chehre ka rang saaf ho jata hai
⦁ Doodh me thora sa kesar milakar lagane se kale rang walon ka rang gora hone lagta hai
⦁ Jinke hath aur pairon me kalapan ho unhe malai me nibmu ka ras milakar roz lagane se kalapan door hota hai aur twacha gori ho jati hai
⦁ Ek mutthi Jau ke ate ko patle kapde me bandhkar potli bana len. Is potli ko kachche doodh me bhiga len aur nahate samay pure sharir par is potli se ragad ragad kar nahayen. Aisa karne se sanwla admi bhi gora ban jata hai
To doston ye the gori twacha pane ke kuchh gharelu upay
.png)
0 टिप्पणियाँ:
एक टिप्पणी भेजें